Обивнителката Вилма Русковска позната по предметот за инциденттот во Собранието, „Диво Насеље“ и „Змиско око“, Детонатор“ застанува на чело на обвинителството за организиран криминал.

Вака одлучи Советот на јавните обвинители на седница на која избра раководители за уште пет други обвинителства во земјава.

На седница на Советот на јавни обвинители беа избрани и шефови на скопското Вишо обвинителство, Мустафа Хајрулахи, во гостиварскто Вишо обвинителство Ислам Абази, за велешкото Основно обвинителство Гордана Тодорова, Елизабета Мишева во Кавадарци и Лиле Талевска за прв човек на битолското Основно обвинителство.

Поранешната директорка на Академијата за судии и обивнители Анета Арнаудовска нема да се враќа во судските води. На нејзино барање Судскиот совет донел решение да и престане судиската функција. Местото во Кривичниот суд и мируваше од 2006 кога беше избрана за директор на Академијата, потоа беше реизбрана но и по истекот на вториот мандат остана во оваа фотеља повеќе од две години

По подолга пауза од оваа академијата следната година ќе излезе нова генерација на кандидати за судии и обвинители. Но сепак и тие нема да бидат доволни за да ги пополнат сите испразнетите места, вели државниот обвинител Љубомир Јовески.

Во сите обвинителства недостигаат 40 јавни обвинители.

Јовески вели преодно решение за проблемот со недостаток на обвинител се бара во тоа да се скрати обуката во академијата за стручните соработници кои имаат долгогодишно искуство.

Пред седум дена обвинителката Вилма Рускоска во придружба на полициски службеник го напушти судењето во предметот за немилите настани во Собранието, откако и се слоши во судницата. Обвинителката Русковска од судијката Добрила Кацарска побара да и дозволи да ја напушти судницата од здравствени причини. Интервенирала и Брзата помош.