Изборниот процес во пелагониските општини почна во 7 часот

Во 7 часот утрово беа отворени гласачките места и во помалите пелагониски општини Новаци и Могила.

Фото/Текст извор: ©магазин.мк

Општинските изборни комисии од Битола, Демир Хисар, Новаци и Могила информираат дека утрово во 7 часот почна изборниот процес на сите избирачки места.

Во 7 часот утрово беа отворени гласачките места и во помалите пелагониски општини Новаци и Могила.

На Единствениот избирачки список во Општина Битола евидентирани се 81.738 гласачи со право на глас кои денес гласаат на 169 гласачки места, потврди Ѓуро Илиќ, претседател на ОИК-Битола, додека на Единствениот избирачки список во Општина Демир Хисар евидентирани се 6.955 гласачи со право на глас кои денес гласаат на 41 гласачко место, изјави Митко Јанкуловски, претседател на ОИК-Демир Хисар.

На Единствениот избирачки список во Општина Новаци евидентирани се 2.959 гласачи со право на глас, кои денес гласаат на 24 гласачки места, потврди Стефче Стефановски, претседател на ОИК-Новаци, додека на Единствениот избирачки список во Општина Могила евидентирани се 5.282 гласачи со право на глас кои денес гласаат на 23 гласачки места, потврди Славко Велевски, претседател на ОИК-Могила.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.