Против 17 здравствени работници и персонал Приштинска инспекција поднесе кривични пријави а затвори четири болници во Приштина, поради сомневање за нелегална трговија со човечки органи.  Сите тие предмети се во истражна постапка.

Нора Красниќи, која е в.д. главен инспектор за здравство во косовското Министерство за здравство, по скандалот за тамошните медиуми изјави дека при инспекцијата во тие приватни болници утврдила дека се вршеле нелегални активности.

При инспекција на четирите приватни болници кои беа затворени  беше утврдено вршење нелегални активности, изјави Красниќи.

Здравствената инспекција, заедно со косовската полиција, спроведе инспекции во некои приватни болници со лиценца за давање услуги во областа на медицинското оплодување.

Портпаролот на полицијата изјави дека Одделението за спречување трговија со човечки органи во инспекцијата утврдило низа криминални дела, незаконска трансплантација и трговија со човечки органи во тие болници.