Жестока дебата се разви во македонскиот парламент за предлогот за двојната фунцкија на Заев, каде се предлагаше да биде и претседател на Влада и министер за финансии. Белизе е единствената земја во светот каде премиерот е и министер за финансии, но овој премиер е најспоменуван за криминал и корупција, рече пратеникот на ВМРО-ДПМНЕ, Антонио Милошоски, на денешната собраниска седница каде се дебатира за реконструкција на Владата. Заев не отстапува, вели дека иако нема да биде избран за министер, сепак сака да раководи со министерството за финансии.

Според законот за организирање за државната управа јасно е напишано дека заменик министер го заменува министерот. Секој потпис на премиерот ќе биде незаконит потпис и ќе биде криминал. Доколку Заев сака да ја концентрира власта, да биде поблиску до парите и да прави едно евро за некого, едно евро за секого, тогаш треба да го разреши и заменик министерот за финансии. Во спротивно, ако е разрешен само министерот за финансии, заменичката на министерот, г-а Елези, согласно член 48 од законот за органи на државна управа е единствено надлежна да ги извршува функциите на министерот, во случај кога тој е разрешен, деловно неспособен или починат. Премиерот Заев за време на претседателските избори рече дека ќе прави “метла“ таму каде што има неефикасност. Но, ова што денес се случува покажува неефикасност и дезориентираност на самиот премиер. Еден премиер кој самиот не знае дека не може да се предложи и за министер покажува дека е нефункционионален. Доколку утре премиерот потпишува документи од Министерството за финансии тоа ќе биде злоупотреба на службената положба и овластување – рече Милошоски.

Заев на денешната седница повтори дека законот дозволува со одлука на Владата да се пренесат надлежностите од премиерот на министерот. Како што рече тој, тоа го дозволува и Уставот.

– Не треба да има страв зошто премиерот ќе води минисерски ресор, тоа се случвуа во многу земји, не сме го измислиле – рече Заев.

Осман Кадриу, уставен судија, изјави: Ова што го прави премиерот е нечуено. Заев го фалеше Тевдовски, а сепак го разреши, и потоа се назначува себе си, а тоа значи дека тука мора да има некој интерес. Заев требаше да се откаже од премиерското место ако веќе скаше да оди во Министерството за финансии. Направи лоша работа, а граѓаните му дадоа лоша оценка“.