42 годишниот Бранко Л, кој е државјанин на Црна Гора, денеска бил приведен од страна на полицијата поради вооружен напад врз Српската православна црква во Белград.

Како што објави ТВ Пинк, Бранко Л. денеска на пладне упаднал во зградата на Патријаршијата на Српската православна црква во центарот на Белград, во канцеларија на првиот кат. Бранко извадил пиштол и од благајникот и сметководителот, побарал 200.000 евра, наводно за одбрана на Косово и Црна Гора”.

Додека траела драмата, еден од заложниците кои биле на лице место успеал да повика полиција.

Полицијата реагирала навремено, а по приведувањето се утврдило дека станува збор за лицето Бранко Л. кој всушност бил поранешен припадник на црквата и за кого нема полициско досие.

Напаѓачот поседувал пиштол марка „берета 765“, но за среќа во инцидентот никој не бил повреден.

Против Бранко ќе биде покренаната постапка.

Патријархот Иринеј, по инцидентот за српските медиумми изјави дека ниту малку не му било пријатно кога поранешниот припадник на црквата упаднал во зградата на Патријаршијата и побарал 200.000 евра.

Според изјавата од Кабинетот на патријархот драмата траела повеќе од еден час.

Од таму велат дека ситуацијата била сериозна, дека лицето упаднало во просторијата до вратата на Патријархот а преговорите со него траеле повеќе од еден час.