Нов скандал ја следи Владата, откако вчера беше објавено дека премиерот Зоран Заев побарал од македонските историчари Гоце Делчев да го декларираат како Бугарин.

Ова како што објави Инфомакс, премиерот го побарал од историчарите непосредно пред започнувањето на самитот во Брисел, поради како што рекол нашата држава да добие датум за преговори со Европската Унија и Бугарија да не не блокира на европскиот пат.

Како што објави Инфомакс, притисокот кој го вршел премиерот во заминување Зоран Заев врз историчарите бил до таму што тој лично телефонирал на членовите на комисијата и ги притискал да го декларираат Гоце Делчев како Бугарин.

-Се бара од нас да го декларираме Гоце Делчев како Бугарин, а не како Македонец. Од она што го дознаваме неофицијално од претходно е дека господинот Зоран Заев вршел сериозни притисоци врз комисијата која што е во рамки на оној договор за доброседство ја договара историјата со бугарската комисија. Од тоа што го дознавме господинот Заев дури и телефонски се јавувал, говорам пред средбата во Брисел пред недобивањето на датум, господинот Заев телефонски им се заканувал на претставниците во оваа комисија по секоја цена прифатат дека Гоце Делчев е Бугарин, за Бугарите да не не блокираат.