Доцна синоќа беше фрлена бомба врз автомобилот на Здравко Бошков, а полиција воопшто не не реагирала на настанот, напиша на социјалните мрежи претседателот на ТМРО, Александар Шехтански.

На профилот на претседателот на политичката партија ТМРО, Ванчо Шехтански, осамна статус во кои се вели дека вчера во Кавадарци, заради фб статус против градоначалникот Мито Јанчев, приведен е претседателот на ОК ТМРО во Кавадарци, Здравко Бошков.

Во моментот додека се наоѓале во полициска станица непознат сторител фрлил бомба врз автомобилот на Бошков, при што целосно го уништил и запалил.

Ова се слики од синоќешниот терористички акт во Кавадарци, кога пред семејната куќа со загрозување на животот на семејството со бомба беше запалено возилото на првиот човек на Тмро во овој град.

Наместо нарачателот, во станица заврши жртвата, но најсимптоматично е што полициските инспектори несмеат да реагираат ,дури ни по ваков јавен терористички акт, зошто нарачателот е локален моќник, напиша Шехтански.

Ванчо Шехтански е македонски политичар и претседател на ТМРО, македонска политичка партија со десна ориентација. По занимање е адвокат.

Познат е како правен застапник на семејствата на 12 киднапирани Македонци од Тетовско за време на воениот конфликт во 2001 година, за што тој побара апсење и кривична пријава за претседателот на ДУИ, Али Ахмети.

Во 2009 година е назначен за прв директор на Агенцијата за управување со одземен имот, а од септември 2010 е директор на Државниот инспекторат за локална самоуправа.