Нема кој не слушнал за Лапонија или Лаппанд местото од каде потекнува Дедо Мраз. Лапонија е најголемиот и најсеверниот регион во Финска.
Еден од најголемите градови во Лапонија е Рованиеми а од тука потекнува и Дедо Мраз. Овој град токму поради верувањето дека Дедо Мраз живее во него го посетуваат годишно околу половина милион луѓе.
Иако веќе возрасните не веруваат во Дедо Мраз и на него најмногу се радуваат децата, кои искрено секоја година замислуваат желба и чекаат од него да им ја оствари, сепак во овој магичен град за момент ќе замислите дека ова може и не е легенда. Рованиеми ќе ви измами воздишки и искрени насмевки и чувство на среќа, во ова бајковито гратче ќе се уверите дека постои зимска магија.
Интересно за ова место е и тоа што можете да му испратите писмо на Дедо Мраз во неговата канцеларија.Влезот во канцеларијата на Дедо Мраз е бесплатен, меѓутоа доколку сакате Дедо Мраз “да ги почести” со подарок, тогаш посетителите мораат да платат 30 евра.
Да, токму така, во Рованиеми постои и пошта во која пристигнуваат писма од целиот свет. која била отворена во 1992 година и во истата писмата добиваат единствен поштенски жиг.
За оние кои што сакаат да уживаат во празничната атмосфера, па дури и ако не веруваат во Дедо Мраз, во Рованиеми е сместен и тематскиот парк Санта парк, кој секоја година се отвора на 23 ноември, а се затвора на 11 јануари.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.