Додека пратениците на ВМРО-ДПМНЕ се враќаа по пленарната сала пред почетокот на 137. седница на Собранието, се случи вербален инцидент во собранието.

Пратеничката од ВМРО-ДПМНЕ, Жаклина Пешевкса и пратеничката од Независната пратеничка група на ВМРО-ДПМНЕ и Коалицијата, Нола Исмајлоска-Старова и се скараа откако пратеничката Старова посочи дека пратеници од ВМРО-ДПМНЕ, меѓу кои и Пешевска, гласале за Законот за служба во Армијата, во кој на името на армијата се додава додавката „Северна“ од името.

„Како не ти е срам да ми го споменуваш името“, рече Пешевска и и го турна телефонот на Исмајлоска-Старова.

Нервозната пратеничка од масата кај нејзината колешка ја тргнаа неколку пратеници од ВМРО ДПМНЕ.

Реакцијата на Пешевска следуваше по настапот на Исмајлоска-Старова од говорницата во која изјави зошто шестемина пратеници од оваа група ќе го поддржат законот за одбрана.

Таа рече дека се креирала лажна слика дека се гласа за промена на името на Армијата, а не за усогласување потребно заради зачленувањето во НАТО.