Денеска во Основното јавно обвинителство за гонење на организиран криминал и корупција, на негово барање, обвинителката Вилма Русковска го прими пратеникот Антонио Милошоски.

На средбата Милошоски достави аудиоматеријал за кој по преслушувањето и анализа на истиот ќе биде донесена јавнообвинителска одлука за понатамошно користење на материјалот“, соопштуваат од Обвинителството.

Инаку, средбата со обвинителката Русковска е на иницијатива на Милошоски  откако тој минатата недела во Собранието објави снимени разговори, за кои посочи дека се на лидерот на СДСМ, Зоран Заев, и други лица и кои се однесуваат на финансирањето на телевизијата на Бојан Јовановски, пишува Академик.

Јовановски и поранешната обвинителка Јанева се обвинети во  предметот „Рекет“.

Според она што ми беше објаснето од обвинителката Русковска е дека овие материјали таа ќе ги вклучи во предметот кој што се води за Меѓународниот сојуз. Се надевам дека истите ќе бидат од корист“, рече Милошоски.