Таткото на Јани Бојаџи е пуштен од притвор, соопшти синоќа режисерот на социјалните мрежи.
Таткото на Јани, кој беше приведен поради наводно присвојување на артефакти, синоќа е ослободен. Режисерот верува дека станува збор за случајност и вети дека следниот филм ќе биде подобар од “Ругање со Христa”.
Тој исто така соопшти и дека овој филм ќе биде прикажан и во Штип.
Почитувани, татко ми повеќе не е задржано лице. “Артефактот” си замина дома. Бескрајно сакам да верувам во коинциденции и случајности, во погрешно место и погрешно време. И, да, секој чесен човек треба и мора да верува во независноста и непристрасноста на судот и обвинителството.
Бескрајно ви благодарам на сите за подржката кон мене и моето семејство. Не знам како да ви се оддолжам освен со ветување дека следниот мој филм ќе биде подобар од овој.
И уште една добра вест. Центарот за култруа “Ацо Шопов” во Штип се согласи штипската премиера на филмот “Ругање со Христa” да се одржи на 9 Октомври, вторник, во 19:30 часот во големата сала. Подготвуваме квалитетна проекција на слика и звук, и се разбира, како и во Скопје со присуство на актерите и екипата на филмот. Браво на штипјани. Ги повикувам и другите градови да го следат Штип. Директори, управи, одважете се, чувството е прекрасно, верувајте ми. – напиша Бојаџи.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.