За порталот А1 ОН, Деспина Трајковска Димова од ЈСП изјави дека сите картички СКОПСК кои се постари од четири години повеќе не важат и треба да се заменат за нови за кои не се потребни никакви документи.

Автобуските картички од ЈСП купени во 2015 година, повеќе нема д аможе да се користат бидејќи е предвидено една таква картичка да трае 4 години и рокот на истите е веќе истечен.

Старите картички мораат да се заменат со нови кои чинат 200 денари.

„За обновата на „Скопска“ не се потребни никакви документи, доволно е да се приложи старата картичка. Заинтересираните статусот на картичката можат да го проверат во било кој центар за персонализација“, вели Деспина Трајковска Димова од ЈСП.

Димова откри и дека дизајнот на новите картички е поинаков, односно на нив повеќе го нема пејсажот на Скопје 2014, туку скопската тврдина “Кале” и Музејот на Скопје.

„Дизајнот е единствената разлика помеѓу старите и новите персонализирани картички „Скопска“, вели Трајковска Димова.

Од ЈСП велат дека корисниците на јавниот превоз навремено биле информирани за неопходната замена на истечените персонализирани картички.