Од засега непознати причини српски автобус, кој се упатил од Македонија кон Нови Сад, се запали на граничниот премин Табановце.

Според неофицијални информациии нема жртви при несреќата, но се уште не е позната причината за пожарот. Автобусот бил полн со патници и патувал од нашата земја кон Нови Сад.

Пожарот кој го зафати автобусот направи метеж, а во еден момент границата беше затворена за влез и излез од државата. Табановце се наоѓа на границата помеѓу Србија и Македонија (граничен премин Табановце) и е оддалечено 8 км од Куманово. 

Околу 16 часот на излез од Македонија дошло до опожарување на двоспратен автобус со новосадски таблички, а патниците се евакуирани. На местото на несреќата излезе противпожарна екипа од Куманово, а засега сообраќајот се одвива нормално – велат од МВР.

Патниците и сите кои се затекнаа на граничниот премин беа видно вознемирени од пожарот. Пожарот е локализиран и ставен под контрола од надлежните служби.