Специјалниот суд во Белград денеска го прогласи за виновен претседателот на компанијата „Делта Холдинг“ Мирослав Мишковиќ и неговиот син Марко за затајување данок. Мишковиќ доби затворска казна од 2,5 години затвор, а неговиот син куќен притвор.

Мирослав Мишковиќ сопственикот на „Делта Холдинг„ денеска е осуден на 2,5 години затвор поради поттикнување даночно затајување, а ќе мора да плати и казна од дури осум милиони динари.

Неговиот син Марко ја оштети државата и затаи данок од 320 милиони динари.

До даночното оштетување дошло со префрлувањето на акциите на претпријатието за патишта Ниш на домашна компанија, која, според тврдењата на судството, ја контролира Марко Мишковиќ, синот на Мирослав Мишковиќ, а наводно неговиот татко му помагал во целата работа.

Марко Мишковиќ мора да врати 8 милиони динари и ќе одлежи една година домашен затвор.

 Додека пак денеска во Македонија на три години затвор беше осуден поранешниот директор на УБК, Сашо Мијалков  за случајот „Титник 2“ .

Оваа денешна пресуда, е првата пресуда од четири обвиненија за Сашо Мијалков. Тој е обвинет во случаите „Таргет-Тврдина“, „Тортура“, „Трезор“, а осомничен е во истрагата за „Империја“.

Во периодот од 1998 до 2000 година, работел во Министерството за одбрана на местото помошник-министер за одбрана и безбедносно разузнување.
Во периодот 2000 до 2001 година, бил советник за безбедносни прашања во Владата на Република Македонија.

Од 29 август 2006 година е назначен за директор на Управата за безбедност и контраразузнавање на таа функција бил до 12 мај 2015 кога си поднел оставка. Сашо Мијалков е син на Јордан Мијалков, првиот министер за внатрешни работи на Македонија.