Овој страшен случај се случил во петокот во католичкото основно училиште “Queen of Apostles” во австралискиот град Перт. Станува збор за училиште кое се фали со “воспитна, содржајна и безбедна средина” и има мото “љубов, заедништво и мир”. 

Несреќното девојче веќе било во јажето кога ја забележал еден наставник, притрчал, го пресекол и го спасил девојчето во последен момент.

Мајката на Амбер, Белинда Јун, за медиумите раскажала дека насилството над нејзината ќерка можело да биде и кобно, бидејќи нејзината ќерка има вродена тешка срцева мана – дупка во срцето, поради што многу пати била во болница.

“Амбер секако има претрпено многу болки и ужасни ситуации, кои многу деца, за среќа, никогаш нема да ги доживеат”, вели Белинда и додава дека нејзината ќерка била и претходно малтретирана.

По ова бесење, девојчето ќе мора да оди на психијатар бидејќи пати од тешка анксиозност. Училиштето не се огласило, но австралиските медиуми јавуваат дека ниедно дете не е испрашано, ниту казнето поради овој страшен напад.