Стигна третата пратка на апарати за отпечаток на прст. Претседателот на ДИК Александар Даштевски очекува дури и пред рок да бидат испорачани сите апарати.

Почната е и обуката на избирачките одбори, ќе трае до 12 октомври, а секој кој смета дека не е доволно обучен, ќе може да се дообучи од 12 до 15 октомври.

Според него процесот се одвива и побрзо од планираното, па очекува сите 4.000 уреди за фингерпринтови да се комплетираат и пред рокот – 11 октомври.

Паралелно се одвиваат и обуките за користење на апаратите. 130 обучувачи меѓу кои и германски експерти ги обучуваат членовите на избирачките одбори за да нема технички проблеми на денот на изборите. секој терминал ќе биде распореден за посебно избирачко место во земјава.