Двајца мажи се сериозно повредени по крвава тепачка пред ресторан во Ресен, соопшти МВР. Според информациите, тепачката настанала меѓу четири лица, односно помеѓу Б.О.(21), Л.А.(46), Т.Р.(33), од една страна и Р.Д.(51), од друга страна, сите од Република Албанија, кои работеле во Ресен.

Според пријавата, во еден момент тие излегле надвор пред објектот, каде Р.Д. на Л.А. со нож му нанел убодни рани, а на Т.Р. расекотина. 

На лицата им била укажана медицинска помош во болницата во Битола, а потоа Б.О., Т.Р. и Р.Д. биле приведени и задржани во Полициската станица Ресен, а Л.А. бил задржан на лекување. Од полицијата велат дека се преземаат мерки за целосно расчистување на случајот.

Тепачка во Ресен from MACEDONIAN MAGAZIN on Vimeo.