Судијата Дарко Тодоровски посочи дека Обвинителството неможеше да  докаже дека премиерот Зоран Заев во времето додека  бил градоначалник на Струмица побарал поткуп од 160.000 евра од бизнисменот Иван Николов Сачевалиев. Судијата не изнесе детаљи зошто неможеле да докажат кога целата јавност виде, дека Заев бара поткуп.

Претходно, Тодоровски го читаше обвинението, за кое кажа дека освен видео доказите од посбените истражни мерки, се слушале и телефонски разговори кои биле прибавени на истиот начин и потсети дека бил преслушан и сведокот Иван Николов.

Обвинителниот акт за овој предмет Јавното обвинителство за гонење на организиран криминал и корупција го поднесе на 28 мај 2015 година.

Заев во случајот беше обвинет дека како градоначалник барал околу 160.000 евра од струмичкиот бизнисмен Иван Николов Сачевслиев за приватизација на градежно земјиште. Токму Николов беше и единствениот сведок во овој случај.

На минатото рочиште обвинителката побара измена на правната квалификација и наместо за примање поткуп, обвинетиот да биде осуден за барање поткуп за што казната е помала.

Заев во целиот судски процес изјавуваше дека случајот е монтиран со цел да го спречат во објавувањето на политичките бомби.