Пратката од Косово била испратена на италијанскиот пазар, но земени се некои примероци за анализа за време на транзитната рута во Словенија. Резултатите покажале дека количината на акриламид била три пати поголема од дозволената. Тоа значи дека е опасен за консумирање.

„Извезуваме во многу земји во Европа, но во овој момент добивме информација од нашиот дистрибутер во Италија дека по извршената анализа еден од нашите производи излезе со повисоки вредности од дозволените за акриламид“, изјави менаџерот за квалитет во компанијата. „Пестова“, Агран Хаљими .

Акриламидите се хемикалии кои се формираат кога одредени прехранбени производи се печат на високи температури.

„Акриламидот е хемиска компонента, која се формира кога аминокиселината аспартин, која се наоѓа во различни намирници, на пример во компирите, во контакт со нивните шеќери, се создава на високи температури при подготовка на храната, т.е. при пржење, на пример, се создаваат акриламиди, така и се појавуваат“, вели д-р Ергил Бинче, специјалист за човечка екологија во Националниот институт за јавно здравје.

Неговата количина над дозволеното поттикнува развој на рак кај луѓето.

„Се покажа дека е штетно за човечкиот нервен систем, штетно за репродуктивните органи, особено кај мажите. Но, мислам, има и други штети што може да направи. Всушност, тоа помага да се создадат услови за рак“, рече Бинче.

Италија и Словенија го повлекоа чипсот од пазарот.