Последните анализи покажуваат дека Швајцарците се на врвот со плата од 4.370 евра и не се дел од ЕУ, а меѓу земјите во Европската унија, Данска има највисок приход од 3.309 евра. Просечната плата во Македонија за јануари годинава, според Државниот завод за статистика, достигна околу 400 евра, поточно 397 евра, а по нас е Албанија со 378 евра, пишува Vecer.press.

Највисоките плати во Европа имаат земјите кои не се членки на Европската Унија. Швајцарците се на врвот со плата од 4.370 евра, на второто место се граѓаните на Исланд со 3.568 евра, а третото место е резервирано за Норвежаните со 3.309 евра.

Последните анализи покажуваат дека меѓу земјите во Европската Унија, Данска има највисок приход од 3.309 евра, потоа Луксембург со 3.159 евра, а потоа и Шведска со 2.570 евра. Во Германија, која е една од најсилните економии во Европа, вработените имаат просечен приход од околу 2.270 евра.

Најниски плати во Европа имаат Молдавците или 212 евра месечно.

 Лидери во регионот со просечната плата од 1,077 евра се Словенците, а по нив следуваат Хрватите со  просечна плата од 832 евра месечно. Просечната плата во Црна Гора е 512 евра, во Србија изнесува 460 евра, а во Босна и Херцеговина достигна 445 евра месечно, во Грција е 917 евра. Просечната плата во Бугарија е 457 евра, а нешто подобра ситуација е во Романија каде што приходот изнесува 535 евра месечно.

Просечната плата во Македонија за јануари 2019 година според Државниот завод  за статистика се движи околу 400 евра, поточно 397 евра, а по нас е Албанија со  просечни приходи од 378 евра.

Сепак, засега македонските работници се наоѓаат на дното во Европа по минимална плата и се далеку од месечната социјална  потрошувачка кошничка неопходна за да опстане едно четиричлено семејство, која според Синдикатот, е околу 500 евра.

Во ЕУ за сиромашна личност се смета секој оној што заработува помалку од 60 отсто од просечната плата. Се зема и предвид реалната ситуација во секоја земја, како што се месечните трошоци за храна, комуналии, кирија.