Заклучно од 1ви ноември жителите на главниот град повторно ќе можат да купат хартиен билет за едно возење во автобусите од скопскиот јавен превоз.

Петре Шилегов гратскиот татко на Скопје, изјави дека е при крај реализацијата на тендерот за оваа намена а во моментов се одвива тест-периодот. На утрешната седница на Советот на град Скопје треба да биде утврдена цената за билетот за едно возење кој најверојатно ќе чини 50 денари. Шилегов најави дека ЈСП Скопје ќе набави 300.000 електронски билети што ќе можат да се купат во градските автобуси. Тие ќе треба да се валидираат идентично како и картичките „Скопска“. Цената на билетот ќе биде повисока, поради фактот што тие ќе се купуваат кај возачите во самите автобуси.

Но новост е и тоа што од оваа есен граѓаните и самите ќе може да ја надополнуваат нивната картичка од својот мобилен телефон, но и да проверат колку средства и возења имаат останато на нивната сметка, а ова ќе се постигне во договор склучен со „Македонски Телеком“.