Откако вчера Министерството за труд и социјална работа испрати инспектори во градинката “Детска радост” во Гевгелија по скандалот со видеото на кое се слуша како воспитувачка навредува дете надлежните соопштија дека се земени изјави од директорката и вработените.

“Директорката е задолжена со следното: Веднаш да се утврди правилно фактичката состојба и врз основа на тоа да се поведе постапка за утврдување на одговорност – односно ако најде докази дека со повредата на прописите е сторен прекршок – потешка повреда на работната дисциплина – неизвршување – несовесно и ненавремено извршување на работите и работните задачи или кривично дело да поднесе барање за поведување на прекршочна постапка –  иницијатива за покренување на дисциплинска постапка или пријава за сторено кривично дело – согласно Член 261 Став 1 Алинеја 2 од Законот за заштита на децата.” – истакнуваат од министерството за труд и социјална политика.

Вчера пак од истото министерство министерката Мила Царовска изјави нешто сосема конкретно:

“Веднаш по објавувањето на видеото на социјалните мрежи од немилиот настан во градинката “Детска Радост” во Гевгелија – Министерството за труд и социјална политика итно реагираше со цел расветлување на случајот во најкраток можен рок. Одделението за инспекциски надзор за заштита на децата веднаш стапи во контакт со директорот на установата а инспектори се упатени  на терен за да извршат вонреден инспекциски надзор.

Доколку се потврди веродостојноста на случката сите одговорни ќе бидат веднаш санкционирани. МТСП нема да толерира било какво несоодветно однесување со децата во градинките. Во најбрз рок ќе ја известиме јавноста за наодите и следните чекор во однос на овој случај.”

Што се случи вчера по инспекцискиот увид?
Што изјави директорката?
Дали е повикана да даде изјава и граѓанката која го снимила записот? 
Каков доказ уште и треба на Царовска и зошто изјавите се релативизираат?

Прашање на кое прво треба да се одговори е:
Зошто ако има вистина во настанот воспитувачката денес сеуште се води како вработена?!