Мерки за обезбедување присуство добија лицата А.Ц. и Ј.Ц,, од судијата кој постапуваше по предлог на Основното јавно обвинителство – Скопје. Инаку таткто на прободеното момче Гоце Филиповски, побара мерка притвор за напаѓачите на неговиот син Филип кој по инцидентот во скопската дискотека во Марино, изгуби бубрег,слезина и 2 литри крв.

Филип се уште закрепнува и е надвор од животна опасност, а неговиот татко револтиран на социјалните мрежи постојано повикува на правда.

„Прочитав вчера дека судијата не одреди мерка притвор на лицата што се обидоа да го убијат мојот син Филип Филиповски, Замислете на син ми му извадија бубрег, слезина, изгуби 2 литри крв, лекарите после операцијата ми соопштија дека шансите да преживее се 50-50 и сето тоа не беше доволно на „СУДИЈАТ“ да определи мерка притвор. Очекувам дека КРИВИЧНИОТ СОВЕТ ќе ја исправи непрадвата и лицата што се обидоа да му го одземат животот на мојот син ќе ја добијат заслужената казна – се огласи таткото на Филип, Гоце Филиповски кој бесен на одлуката на судијата кажа дека очекува дека Обинителството ќе побара од Кривичниот совет да се притворат сторителите. Тоа што нема притвор искрено и беше очекувано, сепак позицијата на родителот влијаела на „СУДИЈАТА“. И покрај одлуката на „СУДИЈАТА“ му посакувам никогаш да не го почувствува тоа што јас го почувствував чекајќи пред операционата сала 4 часа, исчекување дали ќе си го видам детето повторно живо, болката господин „СУДИЈА“ е страшна, органите ги загуби засекогаш и мора останатиот дел од животот да се бори, за разлика од него сторителите претпоставувам си уживаат во нормалниот живот здрави и среќни. Очекувам дека ОБВИНИТЕЛСТВОТО ќе побара од Кривичниот совет да се притворат сторителите – напиша Филипоски.

Инаку Филип Филиповски побара помош од оние кои биле сведоци на инцидентот, и ги виделе напаѓачите поради кои тој остана без бубрег и слезина. Тој на својот Фејсбук профил се обрати до сите кои го виделе крвничкиот напад таа вечер на 23 март.