Маничните напади на премиерот Заев и министерот Спасовски дека поранешниот премиер Груевски им избегал од пред очи, можеби сепак имаат половична вистина.

Имено Спасовски покажа дека нема контрола врз најмалку 70 отсто од припадниците на ресорното министерство кое го води. Делот за кој смета дека му е верен е поделен како и партијата, за идолопоклоници на Заев и на оние кои повеќе ја преферираат Шекеринска.

Имено и акцијата покажа дека дојавата за спектакуларно апсење на Никола Груевски покриена со бројни ТВ куќи можеби и не беше промашена акција, туку Спасовски навистина се надеваше на успех.

Имено дека е можно да се работи за комплетно ново сценарио кое го води лично заменик претседателката на СДСМ, актуелна министерка за одбрана, Радмила Шекеринска говорат неколку факти.

Шекеринска има директна контрола врз организациониот секретар на СДСМ, Миле Зечевиќ, кој своевремено во периодот од 2002 до 2006 година и како директор на УБК менуваше и премиери на СДСМ но и партиски претседатели на повик.

Судијката Кацарска му пресуди притвор на Владо Бучковски но не и на Зоран Заев. Бучковски на вондреден конгрес беше сменет иако не доби поддршка од Заев кој во 2005 година единствено доби потпис за кандидатурата за градоначалник од тогашниот премиер и претседател на СДСМ, Владо Бучковски.

Шекеринска ја има и кадровата политика, преку генералниот секретар на СДСМ, Александар Кирацоски кој на секој директор на Заев стави по еден контра директор од радиното крило.

Шекеринска со ДУИ комуницира со потпретседателската тројка, Арифи, Бејта и Меџити но не и со Ахмети а најмалку со Муса Џафери иако и бил и колега во владата па дури и воделе истородни ресори.

СЈО е клучот. А СЈО игра како ќе каже запад.

Македонскиот банкарски систем познава еднообразна процедура за затворање на тековна или дебитна банковна сметка. Тоа е лично присуство и мал милион правни документи.

Процедурата па дури и за поранешен премиер не е интерна туку е јавна, на шалтер, што не е јасно како никој не го препознал Груевски кој успеал да ги испразни сите сметки но и да затвори најмалку 10 од нив.

Реакциите на Заев и Спасовски дека ова сепак им е исценирано, подметнато сценарио, т.н. кукавичко јајце од Шекеринска говорат со изјавите дека МВР не е виновно, дека Никола Груевски бил слободен човек и дека не можеле да го уапсат, што го отвори и прашањето како тогаш мислеле Албанија, Црна Гора, Србија и Унгарија да го направат тој чин?

СЈО побарало притвор за Јанакиески и Божиновски за бегство кое го планирале пред 14 месеци? Зошто по 14 месеци? Што се чекало 14 месеци?

Сепак две изјави на Заев се интуитивни дека ова сепак можеби не е негово дело. Првата е изјавата дека поранешниот премиер е киднапиран, која ја појасни со зборовите дека нема моментално соодветен збор за она што сака да го каже, како и изјавата дека Мијалков можеби е или не преименуван од обвинет во сведок од страна на СЈО па затоа шета слободен низ Македонија.

Имено поранешниот премиер немаше што да изгуби ако гласаше за уставни измени. Откако во септември пред две години максимално ги влоши односите со својот прв братучед, Груевски делуваше сам, мислејќи дека Мијалков нема да остане во сенка.

Одеднаш и осомничениот од СЈО Муса Џафери по изјава на премиерот Заев се враќа на старото вицепремиерско место за рамковен договор кој никако да го спроведе веќе 15 години. Џафери во оваа и онаа влада на СДСМ и ВМРО – ДПМНЕ имал пријателски релации само со Мијалков и Верушевски.

Она што го дознаваме од извори блиски до поранешниот премиер е дека тој од Унгарија како политички азилант, со што пред ЕУ ќе се потврди политичкиот прогон на неистомислениците на Заев е дека нема да мирува, напротив, со себе не понел само куфер со облека, туки и материјали кои планира фазно да ги пласира, познат процес како бомби за бомбите на Заев.

Шекеринска по ова ќе има легитимитет да го смени Заев, Спасовски и кадрите по оваа линија, со што преку т.н. интелектуално крило на ДУИ во кое не е Муса Џафери ќе се реализира сценариото, албанец за кандидат за претседател на Македонија, иако не е исклучена можноста тоа да биде било која личност која има најмалку едно дипломатско искуство со што би бил “англиска кралица” која би ги аминувала одлуките на извршната и законодавната власт.

Шекеринска како и два пати претходно би го превзела в.д. премиерското место во Владата на Македонија но и претседателското место во СДСМ. Иако веќе еднаш беше на највисоката партиска функција па си поднесе оставка.

Паниката кулминира со Заев и киднапирањето, молкот на Спасовски, Мијалков – нов заштитен сведок на СЈО и враќање на политичката сцена на Муса Џафери. 

Ако ова е актуелната тема на македонската политичка сцена, тогаш сосема јасно е зошто Димитров доби дипломатски шамари од сите колеги од регионот во паниката зошто им пребегал Никола но и зошто Дескоска денес ќе врачи барање за естрадикција на земја со која Македонија нема договор за правна реализација.

Паниката е до таа мера, да министерството за правда се повикува на акти од СФР Југославија кога и Унгарија имаше комунистички режим на владеење за кој Орбна не сака ни да слушне.

Која е конечната цел на поранешниот премиер?

Уставните измени ќе се вина на Заев, Ахмети и Мијалков, Шекеринска ќе се килаво амнестирана а Никола Груевски ќе биде политичкиот “жртвеник” кој дал се од себе за спас на Македонија за Македонците.

Секако сценарио кое и нема така лесно да помине кај ВМРО – ДПМНЕ, претседателот Христијан Мицкоски а особено членството на партијата.