Министерот за внатрешни Оливер Спасовски на својот фејсбук профил објавил на 29 декември годинава како во родното Куманово дели партиски книшки на СДСМ. Ова е груба злоупотреба на позицијата прв полицаец особено тоа што Оливер Спасовски се залагаше за департизација на МВР и одделување на партијата од државата.

Ваквиот настап на Спасовски може да се толкува како порака до граѓаните дека сите граѓани не се еднакви пред законите и дека можете да се вложите во државата, во случајов Министерството за внатрешни работи само преку членска книшка на СДСМ.

» На крајот на годината нема ништо поубаво отколку да ви се зголеми семејството. Општинската организација на СДСМ Куманово од денеска е побогата за 814 членови, млади луѓе ентузијасти кои сакаат да се вклучат во партијата.

» Јас на сите нив им честитам за изборот да бидат дел од СДСМ во време кога се испишува историјата на државата, кога треба да се искористат сите капацитети. Со ова испраќаме порака дека СДСМ секогаш е отворена за квалитетни, млади, образовани кадри, кои што сакаат да се вложат и во партијата и во државата – напишал Спасовски на својот официјален профил на Фејсбук.