Врв на мешањето на законодавната, извршната и судската власт, денес беше изјавата на пратеникот Сашко Костов (СДСМ, Кочани), кој буквално изрече пресуда кога во неговиот говор истакна дека барањето за притвор е основано и рече дека “Трајко Вељаноски е одговорен за насилствата од 27-ми Април“!? Фалеше уште да каже колку години затвор треба да одлежи. Во ниедна демократска држава Собранието не смее да биде судница, а уште помалку пратениците од власта да бидат и кадии, и судии. Но, очигледно е дека за пратеникот Сашко Костов партиската директива е поважна од дигнитетот на законодавниот дом.

Собраниската Комисија за мандатно-имунитетни прашања сеуште расправа за барањето за притвор на пратеникот Трајко Вељаноски, поднесено од Одделение за организиран криминал при скопскиот Кривичен суд. Вељаноски присуствува на седницата и пред членовите го образложи својот став за барањето, кое смета дека правно е неосновано, паушално и без докази. “Јас бев 10 години претседател на Собранието, ни на крај памет не ми било да правам дејствија спотивни на законот, спротивни на Деловникот, или штетни за колеги пратеници“, рече Вељаноски.

Седницата е бурна, имаше многу емотивни говори, провокации и дофрлања. Во еден момент пратенички од ВМРО-ДПМНЕ обвинија дека пратеникот од НСДП, Горан Мисовски, им се заканаувал со каменот. Додека зборуваше Павле Вогоевски кој е и претседател на комисијата, пратеничката Ане Лашкоска почна да вика дека Мисовски (НСДП) ѝ се заканувал на пратеничката Магдалена Манаскова покажувајќи ѝ го каменот кој го носеше со себе. Мисовски се правдаше дека од почеток на седницата стои каменот како потсетник за 27 април. Негира дека се заканувал, вели дека тоа е каменот со кој него сакале да го удрат насилниците на 27 април. Некои пратеници му дофрлија и го прашаа дали можеби тој камен го внел Крсто Мукоски, кој ги отвори вратите на Собранието, а сега тој не е виновен, а Трајко Вељаноски треба да е терорист. Мисовски не одговори.

Пратеничките од ВМРО-ДПМНЕ продолжија да довикуваат како Мисовски го внел каменот, по што Богоевски ја прекина седницата петнаесет минути за да се смири атмосферата. Седницата треба да заврши во текот на денешниот ден.