АЛСАТ дознава дека од најмалку 3 лица биле земени примероци за ноќен тест, чии резултати се очекува да бидат официјално објавени денеска.

Во меѓувреме, според податоци на Алсат М, до овој момент, 349 граѓани се ставени во карантин, со одлука на Здравствениот инспекторат, додека околу 3790 граѓани се во самоизолација.

Синоќа од Министерството за здравство соопштија дека во земјава вкупно 48 лица се погодени од вирусот ковид-19, а 6 нови случаи беа потврдени во текот на вчерашниот ден, вклучително и 4-годишно девојче. Вирусот е потврден и во Гевгелија, Прилеп, Скопје, Дебар и Гостивар.

Битката со вирусот ќе ја добиеме многу полесно ако ја добиеме и битката со лажните вести, неточните информации и непроверените препораки. Сите овие придонесуваат до креирање на паника која е многу опасна во услови на криза. Како да постапувате, кои се симптомите, како и дали се лекува – информирајте се само од релевантни извори, напиша на официјалната Фејсбук страна министерот Венко Филипче.