Кога Џими Кимел го прашал што мисли за тоа да биде кум на кралското бебе, Џорџ веднаш одлучно одбил.

„Тоа би била лоша идеја“, одговорил тој, а потоа образложил: „Јас сум татко на близнаци, а и со тоа едвај се справувам. Не би требало да бидам ничив кум.“

На прашањето на Џими каков ќе биде неговиот одговор ако Хари и Меган би го побарале тоа од него, тој одговорил:

„Јас нема да бидам кум, ти ветувам. Сосема сум сигурен во тоа.“

Инаку кралската двојка го доби своето прво бебе Арчи, кое всушност е прво бебе од мешан брак.

Ова е седмо бебе по ред на тронот и осми правнук на кралицата Елизабета. Младите родители за британските медиуми изјавија дека бебето е многу мирно и дека се остварил нивниот сон.

Инаку Меган Маркл и принцот Хари се решија за името Арчи, бидејчи сакале да му дадат на своето прво дете име што ќе потсетува на родните земји и на двајцата родители.

Арчи значи „искрен“, „храбар“ или „смел“ и е попопуларно име во Велика Британија отколку во САД, од каде потекнува Меган Маркл. Оригинално било скратена форма од Арчибалд, но во поново време се користи како самостојно име.