Владата вчера донесе уредба со сила на закон која на сместувачките капацитети им дозволува да почнат со работа.

Оние кои ќе отворат ќе мора да работат по правила и протоколи кои ги донесе Комисијата за заразни болести.

Алсат дојде до протоколите со кои освен редовна и честа дезинфекција на сите делови од објектот, потребно е задолжително растојание помеѓу персоналот и гостите на рецепција, ограничен треба да биде бројот на гости во заедничката просторија каде се служат оброците, намален број на групни собири и слични активности кои би биле ризични во време на епидемија.

ПРОТОКОЛИ ЗА ХОТЕЛИТЕ

– Монтажната преграда од проѕирна пластика на рецепција

– Гостинот заедно со клучот добива флаер со совети за заштита и протокол за неговиот престој

– Секојдневно одржувањето на хигиената на јавните простории и собите

– Плаќање со кредитна картичка како степен на заштита

– Служењето храна на шведска маса не е дозволено

– Не е дозволено послужување на гости на стоење на шанк и стоечки маси

– Растојанието меѓу столчињата од соседните маси да биде од 1,5- 2м

– На една маса со четири столици може да седат и да се послужуваат максимум две лица

Хотелиерите веќе изјавија дека оваа сезона е пропадната поради големата здравствено-економска криза. Со државната помош со ваучерите за нешто повеќе од сто илјади граѓани според туристичките работници само ќе затвори некоја дупка годинава. Се уште е нејасно како ќе функционираат плажите и кој ќе води ред во нив. Дополнителен проблем на туристичките работници им е и економската оправданост за плаќање на концесија за плажите годинава.

А посебен проблем ќе имаат оние сместувачки капацитети кои немаат сопствена плажа. Засега загубите во туризмот надминуваат стотина милиони.