Министерството за правда на САД го откажа гонењето на руските компании поврзани со Евгениј Пригожин, богат бизнисмен и сојузник на рускиот претседател Владимир Путин.

Пригожин, е познат и како „шеф на Путин“, затоа што тој поседува угостителска компанија која често служи на настани организирани од Кремлј.

Обвинителите ја обвинија неговата компанија Конкорд дека стои зад кампањата за да му помогне на Доналд Трамп да победи на претседателските избори во 2016 година.

Оваа вест дојде само неколку дена откако беше објавено дека има сведок кој може да ја докаже директната вмешаност на Пригожин во изборите во САД.

Пригожин рече дека откажувањето од обвиненијата против неговата компанија значело дека наводите за негово и руско учество во изборите беа „лага и фикција“. Сепак, тој сега се заканува дека ќе ги тужи САД за 50 милијарди американски долари за „неправедни обвинувања.“ 

Затоа Конкорд подготвува тужба за „неправедно гонење“, рече Пригожин, додавајќи дека ќе бара отштета од 50 милијарди долари.
Американските власти го прекинаа случајот затоа што се плашеа од лош „публицитет и фер судење“, рече тој а пренесува „Москва вести“.

Министерството за правда на САД објави доцна во понеделникот дека го повлекува обвинението против Конкорд, само неколку недели пред да започне судењето.

Владата на САД заклучи дека понатамошните постапки против компанијата на Пригожинов „не ги промовираат ниту интересите на правдата, ниту националната безбедност“, соопшти Министерството за правда.