Камилица, боливач или вртипоп — една од најпознатите билки и е присутна во скоро секое домаќинство. Најлековит дел се нејзините цветови.

Камилицата брои околу 100 евроазиски видови, кои го сочинуваат семејството Anthemis во мешовита фамилија; исто така, слично растение во редот Chamaemelum од исто семејство. И двата имаат жолти и бели светови во облик на диск. Неколку Anthemis видови се одгледуваат како украсни, особено златната маргарита или жолтата камилица (A. tinctoria). Плевелот со силен мирис (A. cotula) се користи како лек и инсектицид. Чајот од камилица, кој се употребува како тоник или антисептик, а и во билни лекарства, се прави од C. noble или A. nobilis.

Чајот од камилица помага за ублажување на несоницата и нервозата, а маслото ја смирува болката во мускулите и зглобовите, додека инхалацијата помага кај воспалено уво и синуси.

Камилицата цвета од април до август, а се собира по суво и сончево време. Таа треба да се суши нагло и на температура од 35 степени.

Дејството на камилицата е посилно, подобро и полековито кога се комбинира со други лековити билки кои имаат слично дејство и хемиски состав. Најдобро е да се користи во комбинација со маточина, анасон, слез и нане.