По два ипол месеци грижа на Клиниката за гинекологија, предвреме роденото бебе Максим денеска си замина дома!

Од Универзитетската Клиника за гинекологија и акушерство информираат дека предвреме роденото бебе Максим, кое дојде на свет на 5 јуни во 25-та гестациска недела, денеска си замина дома од оваа установа.

Тој бил роден на 5 јуни во 25-та гестациска недела со родилна маса од 820 гр, а заминува со 2.400 гр. во општа добра здравствена состојба.

Педијатрите и целиот медицински персонал на клиниката се нашите херои! Заеднички ја добија битката со малиот Максим и со радост и желби за среќно и безгрижно детство го испратија дома, напиша Филипче!

Од Клиниката замина во добра општа состојба и со пораст на телесната маса, по два и пол месечната грижа на педијатрите и целокупниот медицински персонал.