Пратениците на опозицијата(СЗС) утре ќе ја бојкотираат седницата на српското Собрание, изјавувајќи дека нема да учествуваат во работата и на републичките и локалните собранија, се додека актуелната влада не ги исполни барањата на протестите „Еден од пет милиони” и не се овозможат слободни и фер избори.

СзС соопштија дека сакаат да го променат системот во Србија и да ја вратат културата на решавање со дијалог и владеењето на правото во државата. Во нивното соопштени стои дека бојкотот е во согласност со „договорот кој им е понуден на граѓаните и за чија реализација опозицијата гарантира со своите потписи”.

– Првиот следен чекор ќе биде формирањето на Асоцијацијата на слободни одборници, која треба да ја олесни соработката и координацијата на одборниците во услови на бојкот на работата на локалните парламенти, се вели во соопштението, во кое се додава дека „пратениците и одборниците на СзС ќе продолжат да се борат надвор од институциите на системот”.

– Ние сакаме да го промениме системот и во Србија да ја вратиме културата на дијалог, владеењето на правото и политичката пристојност и нормалност, порачаа од СзС.

Илјадници граѓани во Белград протестираат на анти-владините протести под слоганот „1 од 5 милиони“. Собирот започнува пред Филозофскиот факултет, по што илјадниците граѓани маршираат низ улиците на главниот град на Србија.