Новата амбасадорка на САД, Кејт Мери Брнс, се пофали на социјалните мрежи дека ја пробала гостиварската баклава.

Кејт Мери Брнс, новата амбасадорка на САД во Република Македонија, првите работни денови во Македонија ги помина во Охрид каде се сретна со премиерот, Зоран Заев.

На пат назад за Скопје, Брнс на социјалните мрежи објави фотографија, дека ја пробала гостиварската баклава.

Таа ги прашува граѓаните што предлагаат друго да проба додека патува низ земјава.

„На пат назад за Скопје, амбасадорката Брнс ја проба познатата Рекорд баклава во Гостивар и смета дека е апсолутно превкусна. Што предлагате амбасадорката Брнс да проба додека патува во Скопје и низ земјата?“, стои на официјалниот фејсбук профил на американската амбасада.

Новата американска амбасадорка Кејт Мери Бирнс пред три дена пристигна во Македонија, придружувана од нејзиниот сопруг капетан Скот Гајџ. Taa го почна првиот работен ден, преземајќи ја функцијата од в.д. амбасадорката Микаела Швајзер Блум, информираа од американската амбасада во Скопје.

Бирнс доаѓа на местото на поранешниот амбасадор Џес Бејли, кој од функцијата замина во март годинава.