Ураганот „Доријан“, денеска, го погоди северниот дел на Бахамите, соопшти американскиот национален центар за урагани.

Од американскиот национален центар за урагани наведоа дека станува збор за најсилниот ураган на планетата со ветер кој дувал со брзина од 280 километри на час.

– Ветрови со екстремна сила и брзина ќе го погодат островот Абако во наредните часови. – се наведува во текстот.

Милиони жители од сојузните американски држави Флорида, Јужна и Северна Каролина го следат движењето на Доријан, по индикациите дека тој би се движел кон североисток, по минувањето на Бахамите, кон американскиот југоисточен брег.

Властите предупредија дека дури и ако центарот на ураганот не биде на американското крајбрежје, големото невреме нема да ги одмине американските крајбрежни области, кое ќе биде проследено со силни ветрови.