Најмалку 14 лица загинаа откако ураганот Лаура во четвртокот ги погоди сојузните држави Луизијана и Тексас, како ураган од категорија 4.

Брегот на Луизијана, кој беше уништен од ураганот, го започна закрепнувањето, но стотици илјади луѓе сè уште немаат струја и вода.

Според АП, можно е да нема електрична енергија и вода уште неколку недели, па дури и подолго.

Илјадници луѓе, кои ги напуштија своите домови пред невремето, „кога се вратија“ ги затекнаа своите куќи без покриви и патишта покриени со урнатини.

Белата куќа објави дека претседателот на САД, Доналд Трамп, денес ќе ја посети таа област и ќе ја процени причинетата штета.