Илинден или ден на Свети Илија е голем македонски национален и православен празник кој се одбележува на 2-ри август.

Илинден има посебно значење за македонската историја и македонскиот народ заради тоа што на 2-ри август започнало Илинденското востание во 1903-та година кога е формирана Крушевската Република – прва Македонска Република а во 1944 година е одржано Првото заседание на АСНОМ на кое се поставени основите на денешната Република Македонија.

Денес илинденската традиција е испреплетена со патриотски – фолклорни и религиски симболи што го прави Илинден еден од најважните празници во Македонија додека Република Македонија и нејзините граѓани двата Илиндена ги одбележуваат како Ден на Републиката што е еден од најголемите државни празници.