Неможноста да се видат ѕвездите и светлоста на денот го менуваат човекот засекогаш“, вака сопственикот на згаснатата А1 телевизија, Велија Рамковаки го почна неговото сведоштво на трибина организирана од „Цивил“ наречена „Жртви на режимот“.
Рамковски зборуваше за затегнатите односи со поранешниот премиер, Никола Груевски и велеше дека првите денови во Шутка не можел да дише.
Бев 27 месеци во Шутка. Секој ден имав претрес скоро саат и пол траеше претресот. Психолошка војна“, изјави поранешниот сопственик на А1 телевизија Велија Рамковски.
„Груевизмот е длабоко всаден во институциите“, истакна Рамковски, порачувајќи дека е исплашен, бидејќи Груевизмот и по три години е уште силен.
„28 месеци не можев да ја видам Емел, мојата ќерка која беше во другата зграда од затворот. Намерно не ми дозволуваа да може да се видиме, бар преку прозорец. Се радував на судењата зашто само таму можев да ја видам сопругата и ќерката. Груевизмот е длабоко во институциите. Сега сум малку исплашен. И после три години Груевизмот ме плаши. Сите нè плаши“, рече Рамковски.
„Кај секој човек тоа чувство на правда и неправда постои… Покажете дека имате чувство за правда, во дадените можности, ама овде, за нас, е нула. Повелете, народот да види. Нема некој што не ја бара А1. Не ме затворија само мене, фамилијата и најблиските соработници, им ја затворија на народот и А1… Еве ви господо, одите на избори… направете и нешто за правдата…“, порача Рамковски.
На трибината „Жртви на режимот“ во организација на НВО Цивил беше и новинарот Томислав Кежаровски, потсетувајќи се за условите во затворот и сето тоа низ што тој и неговото семејство морале да поминат.
За време на влеадеењето на Никола Груевски, Рамковски беше осуден на 13 години затвор, а одлежа седум во затворот „Идризово“.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.