Бугарија ќе обезбеди околу 10.000 евра како доброволен придонес во фондот на Советот на Европската банка за развој за мигранти и бегалци.
Фондот, како што пренесува „Софиа Глоуб“, повикувајќи се на владино соопштение, ќе ги поддржи тековните проекти за подобрување на материјалните и техничките услови за прием и сместување на мигранти и бегалци во транзитните центри во Република Македонија и во Босна и Херцеговина.
Административниот капацитет на центрите и нивниот капацитет за обезбедување најнеопходна санитарна, медицинска и социјална грижа ќе биде зајакнат. – соопшти бугарската Влада.
Средствата, како што се додава, ќе се обезбедат од фондови на Министерството за надворешни работи на Бугарија, наменети за хуманитарна и помош за развој.
Бугарската помош, како што се вели во соопштението, се дава за одржливи развојни цели во земјите партнери од Западен Балкан и од регионот на Црно Море, како и за поттикнување и размена на искуства во спроведувањето практики на добро владеење и решавање на големи социјални проблеми во овие земји.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.