Бугарија крадела пари од ЕУ фондовите а Грција од фондот на Унијата за помош на мигрантите.

Европската комисија нема толеранција за корупција и злоупотреба на средства на ЕУ, изјави висок претставник на Европската служба за спречување измами (ОЛАФ).

Многу сериозно ги примаме сите сомнежи изразени во врска со злоупотреба на структурните фондови, ги следиме медиумските извештаи поврзани со Бугарија. – додаде тој во врска со сомнежите за прекршоци околу јавни набавки за градежништво во Бугарија.

Истиот извор информира дека ЕК ќе поднесе извештај до ОЛАФ и оти веќе се побарани податоци за овие наводи од соодветните власти.

Тој појасни дека ЕК е должна да и доставува на ОЛАФ секакви податоци за кои смета дека треба да бидат подложени на темелна проверка.

Во меѓувреме во Грција на барање на Европската комисија интерна истрага.

Врховниот суд на Грција почна истрага за можна злоупотреба при управување со европски средства, дадени на земјата за справување со мигрантската криза 2015-2016 година.

Истрагата, која досега беше “предистражна”, е доверена на финансиското обвинителство, според извор од суд.

До истрага дојде по серијата написи во проопозициските медиуми, за лошо управување и можно пренасочување на европските фондови од страна на владата.