Со поддршка за престојниот референдум излезе и Отец Пимен.

Свештеникот во видео изработено од страна на коалицијата „Излези ЗА европска Македонија“, повика на излезност и поддршка на референдумот со глас „За“.

Во овие историски моменти за Македонија, кога одлучуваме за иднината на нашата земја, потребно е секој секому да подаде рака, да ги надминеме сите оние разлики и кавги, меѓу нас кој се појавуваат и да се обединиме во идејата за европска иднина на нашата земја. Ова е историска шанса која што не смееме да ја пропуштиме, затоа на 30-ти ќе излезам и ќе го дадам својот глас „ЗА“. – вели Отец Пимен во видеото.

Покрај Отец Пимен, со поддршка за референдумот излегоа Жан Митрев, Орце Камчев, Наумче Мојсоски, Викторија Лоба, Митко Јанчев, актуелниот потпретседател на ВМРО – ДПМНЕ и градоначалник на Кавадарци како и поранешниот министер за здравство од редовите на ВМРО – ДПМНЕ, Никола Тодоров, кој рече дека ќе излезе, но нема да гласа „За“.

Ставот на Пимен не е јасен, затоа што е дијаметрално спротивен од оној искажан на 29 мај оваа година, која јасно посочи дека нема да прифати промена на Уставото име на Република Македонија.

Пимен тогаш изјави:

Ние искрено се надеваме дека нема да отстапиме од нашето уставно име. Ако на крајот мнозинството надвладее за да одлучи да се промени, во името на црквата ние секако тоа не би го инкорпорирале во нашето име. Нашето име е Македонска православна црква бидејќи се врзува со нашиот идентитет, а не со мноштвото на народи кои ги имаме.

Црквата треба да стои над политиката и нема да посегне по тој чекор да го промени своето име, затоа што имаме ние и еклисиолошко име Охридска Архиепископија, имаме национално име како Македонска православна црква. – изјави Владиката Пимен, Митрополит на Европската епархија на МПЦ – ОА.