По реакции на дел од новинарите и медиумите кои ја покриваат лидерската средба на социјалните мрежи се огласи и Ивор Мицковски – некогашниот висок член на СДСМ кој на својот ФБ профил го опиша односот на Марјан Забрчанец.

Владината служба за информации не дозволува фоторепортерите и снимателите да ги снимаат лидерите. Откако неколкумина се побунија Марјан Забрчанец од Кабинетот на премиерот им дофрли: “Единаесет години ве газеа, ќутевте, а сега ли најдовте да зборите”. Шамари се јадат за вакви изјави. – искоментира на својот ФБ пост Мицковски.

Но дали овој испад на Забрчанец ќе биде осуден од страна на новинарската фела и колку медиумите и новинарите ќе смеат да го пренесат недоличниот однос на првиот човек на Заев токму за соработка со нив и дали од кабинетот на премиерот ќе следи и официјално извинување останува да видиме.