Рашкоски реши да се пресмета со Апасиев, па отвори предмет преку МОН и Државниот просветен инспекторат по анонимна дојава да проверат како добил и академска титула и работен статус.

Генералниот секретар на Владата, Драги Рашкоски, побарал од Министерството за образование и наука да го „чешла“ моето досие за тоа како сум докторирал на УКИМ и како сум се вработил на УГД, напиша Димитар Апасиев на социјалните мрежи.

Професор Апасиев ја има и копијата од т.н. анонимна преставка по која по налог на Генералниот секретаријат на Владата се бара од Министерството за образование и наука, преку Државниот просветен инспекторат да прочешлаат како докторирал и како станал професор.

Апасиев за ова напиша:

“Случајот ‘Апасиев”. Генералниот секретаријат на Влада на Република Македонија – иако ненадлежен – испратил барање до Министерството за образование и наука, преку Државниот просветен инспекторат, да се ‘чешла’ моето досие за тоа како сум докторирал на УКИМ и како сум се вработил на УГД.

Се постапувало по анонимна претставка, што е изрично забрането со дури осум закони и подзаконски правни акти и за што некој дебело ќе го крка.

Ете како оваа тоталитарна власт се справува со своите политички неистомисленици! Па ова и Грујо не го правеше бе, социјал-“демократи”.

П.С. Баш би сакал да го чујам мислењето на владиниот портпарол, на поранешната министерка и на актуелниот заменик-министер за образование за “неприкосновената автономија на Универзитетотот.

#ПоздравПленумци, напиша Апасиев.

Во барањето што го објави Апасиев, се наведува дека група студенти од Правниот факултет при Универзитетот „Гоце Делчев“ Штип ја поднеле претставката со која е побарано да добијат точни информации како Апасиев се стекнал со титулата доктор на науки.