Јас нема да замолчам пред кршење на меѓународно право и уставното право. Јас ќе ги почитувам двата договори,изјави Гордана Силјановска Давкова кандидат за претседател поддржана од ВМРО-ДПМНЕ на втората телевизиска дебата, на МТВ.
Таа го итакна ова во контекст на кажувањата на противкандидатот Пендаровски, кој вели дека таа немала да ги почитува договорите кои ја воделе Македонија напред.
Пендаровски инаку говореше за Преспанскиот договор и Договорот со Бугарија.
Кандидатката за претседател Силјановска посочи дека нејзиниот став е јасен за ЕУ и дека таа самата одамна е дел од ЕУ.
-Македонија од секогаш била дел од Европа, јас одамна сум во ЕУ членувајќи во институциите како претставник на фелата на која припаѓам. Никогаш нема да се однесувам поданички, зошто мала, средна или голема држава секоја има свое место. Клучот се Копенхагеншките критериуми, владеење на правото, квалификувана администрација, жестока борба со корупцијата и криминалот, зошто тие го загрозуваат суверенитетот на државата, рече Силјановска.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.