Шевчет Халачи, обвинет во случајот „Диво Насеље“ пратил снимки од случајот Монструм на обвинителката Фатиме Фетаи, дознава Фокус.

Халачи прислушкуваните материјали ги прати во јуни годинава прво до обвинителката која го води случајот „Монструм“, Фатиме Фетаи, а потоа и до поранешното Специјално јавно обвинителство поврзани со петкратното убиство.
Имено како што објави Фокус, осомничениот за Диво Насеље , Шевчет Халачи прво и се јавил на Фетаи и ја известил дека поседува  140 гига бајти прислушувани разговори кои тој ги праќал на Ел Чека.

Халачи снимките ги испратил и до сега веќе поранешното специјално обвинителство, СЈО, а меѓу нив имало снимки и за други случаи.

Овие снимки јавноста веќе ги има слушнато и тоа се разговорите кои ги водеа бизнисменот Орце Камчев и новинарката Оливера Трајковска за овој случај.

Инаку се уште е во тек судењето за случајот Монструм. Денеска во судницата ќе се читаат и четири папки од МВР со целиот редослед на предистражната и истражната постапка што се водела за целиот случај.

Годинава поминаа седум години од масакрот кај Смилковско Езеро.

Ова грозоморно петкратно убиство ја зави Македонија во црно.

На местото каде тогаш беа убиени Филип, Александар, Цветанчо, Кире и Борче, денес има изградено црква „Светите Четириесет Маченици- Младенци“ и два обелиска кои вечно ќе го означуваат споменот за сите петмина, но и ќе сведочат за масакрот кај Смилковско езеро.

За овој случај се уште не е никој осуден.