Поранешната министерка за внатрешни работи, Гордана Јанкулоска денеска сведочеше за случајот „Монструм” и посочи дека информациите кои стигнале до неа биле, дека станува збор за крвна одмазда, имотен спор, лична пресметка.

Таа сведочеше за убиството на четирите момчиња и рибарот на Смилковскоро езеро и рече дека дел од информациите кои пристигнале до неа биле издржани, но дел и веднаш отфрлани.

Предметот го води обвинителката Фатиме Фетаи. Таа ја праша Јанкуловска дали остварила средба со  Сашо Мијалков бидејќи во бомбите кои беа презентирани на 29 јануари 2013 година се слуша неговиот глас, како тој и вели дека има анализа за случајот и дека ќе и ја презентирал.

На ова Јанкулоска рече дека не се сеќава дека присуствувала на таква презентација. На ваквиот одговор Фетаи и посочи на Јанкуловска дека дури и меѓународни претставници присуствувале на таа презентација на што таа возврати дека во моментот кога била на министерската позиција држела повеќе состаноци со меѓународната заедница околу настанот.

Денеска освен Јанкуловска, во судот треба да сведочат и поранешниот директор на БЈБ Љупчо Тодоровски и Синиша Алексовски, советник во кабинетот на поранешниот претседател Ѓорге Иванов.