Вицепремиерот за економски прашања Кочо Анѓушев на денешна дебата рече дека проблемот со бројот на невработени во државата не е толку голем, колку што е голема структурата на невработеноста.

Вицепремиерот за економски прашања Кочо Анѓушев, на денешната дебата рече дека иако во државава има рекордна ниска невработеност од 19,4 проценти од осамостојувањето досега, голем и загрижувачки проблем е структурата на 105.000 невработени граѓани, затоа што 42 процента се постари од 50 години, 50 проценти се без или со основно образование, а 26,5 проценти со средно образование, но не од бараните техничките училишта.

Тој рече дека првиот таргет е како 150.000 невработени лица, од кои третина можат да се вработат за една година, односно тие што имаат основно образование да се вработат како готвачи, столари, бравари и заварувачи.

Анкетата на 3.140 компании покажала дека 1.883 од нив во наредните шест до 12 месеци ќе имаат потреба од 18.643 работни места и ако се претпостави дека уште толку вработувања се потребни кај не анкетираните моментната потреба на работни места е над 35.000 до 40.000.

Најбараните занимања се машински инженер, градежен инженер, електротехничар, шивач, пекар, готвач, слаткар, вели Анѓушев.

Да престанеме да се залажуваме дека 95 проценти е здраво за едно општество, а не е и за нив самите дека треба да одат на универзитет, не е сета среќа во тоа, подобро е да имаме знаење и струка и со неа добро да живеете и заработувате од вашата 18 или 19 година, отколку да завршите универзитет кој нема да биде почитуван и од кој на крај ќе добиете диплома, со која не ќе знаете што да правите ако е несоодветна на рачната состојба во државата, рече Анѓушев.