Денеска по којзнае кој пат се одржа рочиште за обвинетите за настаните од 27 Април. Притоа обвинителката Вилма Рускоска во завршни зборови пред судот побара на обвинетите за насилствата во Собранието на 27 април 2017 година да им изречат казни со кои ќе се постигне целта за делото за кое се обвинети, односно за терористичко загрозување на уставниот поредок на државата.

Луѓето што протестираа под мотото за Заедничка Македонија протестираа секој ден почнувајќи од 18 часот па натаму. Тој кобен ден Зоран Заев и Али Ахмети решиле да го изгласаат Талат Џафери за претседател на Собранието , против уставно и против деловнички. Знаејќи каков ќе биде епилогот на Ахмети му е сугерирано да не се појавува во Собранието што се виде и од директниот пренос во Собранието. Сценаристот можел да го предвиди гласањето на Џафери во 12 часот кога всушност беше мирно и без луѓето кои протестираа, но тој се одлучил гласањето да биде нешто после 18 часот знаејќи дека е тоа против уставно, против законско , и знаејќи дека народот ќе реагира за да може да ги вовлече во стапица која трае и до ден денес.

Кој е всушност вистинскиот организатор на настаните од 27 Април?

Дали тоа таков подвиг му одеше во полза на Груевски? Не, зошто би го правел тоа Груевски и од каде тоа знаел Груевски дека Џафери ќе биде против сите закони избран нешто после 18 часот? Дали му одеа во полза насилните упади од 27 Април на Зоран Заев? Да секако, бидејќи само така можеше да го оствари планот кој деновиве го реализираше, затоа беше потребно притворање на Чавков (за кого се смета дека имаше силни конекции во полицијата), Јане Ченто (за кого се смета дека има легитимитет кај многу патриоти) , Игор Дурловски еден од организаторите на мирните протести и ценет академски граѓанин  и многу други.

Всушност како поинаку ќе го притвореа Митко Чавков, како поинаку ќе го растуреа движењето ЗА ЗАЕДНИЧКА МАКЕДОНИЈА, ако не му залепеа етикета на терористичко движење? 

И како поинаку ќе ги замолчеа многубројните патриоти кои евентуално при сите овие сценарија кои ги видовме досега, ќе станеа да го бранат уставниот поредок на Република Македонија? Како поинаку ќе го заплашеа македонскиот народ да молчи и да ќути  знаејќи што се планираат во разнебитувањето на Македонската држава

Затоа ова сценарио им одеше единствено во полза, само на Зоран Заев и Али Ахмети, едниот да постане Премиер и  да го промени името на Македонија и со тоа да си одработи да не бидат објавени  бомбите кои беа спремни да се објават против него и неговите криминали, а вториот да  ги оправда милионските суми добиени од албанската дијаспора  дека еве го направил Албанскиот за втор службен јазик на цела територија во Република Македонија иако не донесол никаква инвестиција за да го подобри стандардот на албанскот малцинство и во исто време да си го одработи долгот кон чадорот кој беше имал една кошница  полна со бомби кои ќе го разнесеа како пердув доколку и понатаму партипицираше во владата со Груевски.

Така проектантот на концептот за 27 Април  2017 со еден единствен удар ја заврши цела работа, Заев го продаде името Македонија, ја свитка кичмата и им  го продаде идентитетот на Грците, додека пак историјата им ја препушти на Бугарите.

Иако Македонија од 190 земји во ОН беше признаена дури од 140 земји под уставното име Република Македонија, за Зоран Заев тоа не претставуваше никакво значење ниту пак гордост , и така во Македонија , Албанците се запишаа како Албанци, Турците како Турци а Македонците пак борејќи се за своите правдини како Граѓани на Северна Македонија. 

И додека народот излезе на Реферндум кој беше организиран на 30 Септември 2018, и јасно порача, дека не го прифаќа ултиматумот на големите сили, со што не се исполни законскиот цензус на 50% плус 1 излезеност, сепак власта остана глува и како ништо да не било си ја протукра ветената Агенда кон нарачателите.

И денес 31 Јануари 2019 во скопскиот суд  од обвинителката Рускоска  слушнавме:

»» Обвинителството докажа дека на 27 април е извршен организиран насилен напад врз една од најважните  институции. Докажа дека тоа не беше спонтан упад и зовриени емоции. Обвинителството докажа дека ова беше организиран и со умисла напад. Доказите потврдија дека преземените дејствија се поврзани и последователни со цел да се загрози уставниот поредок. Докажа дека ова обвинение не е политички реваншизам, туку акт за докажување на делото и запазување на правото, изјави Рускоска.

На обвинителна клупа остануваат петмината кои не побараа амнестија: екс директорот на Бирото за јавна безбедност Митко Чавков, началникот во МВР за униформирани лица Душко Лазаров, еден од водачите на „За заедничка Македонија“ Игор Дурловски, Јане Ченто и Игор Југ од патриотските здруженија, како и 13 обвинети чии барања за амнестија беа одбиени.

Судот ги одби барањата за амнестија на Александар Василевски Нинџа, Никола Митревски Кољо, Горан Ѓошевски, Митко Пешов, Оливер Поповски, Оливер Радулов, Сашо Марковски, Мунир Пепиќ, Абдуљфета Алими, Младен Додевски, Горанче Ангеловски, Влатко Трајковски и Вилијам Михајловски.

Судијката Добрила Кацарска, претходно најави, дека на следното рочиште би требало да се изврши промена на обвинителниот акт согласно Законот за амнестија и да се започне со завршни зборови.

Обвинителка Вилма Русковска, минатата недела, рече дека обвинителниот акт за случајот „27 април“ не претрпил суштински измени и останува истото кривично дело.

Од денешна дистанца е повеќе од јасно дека организатори или најмалку луѓе кои биле до деталј инфомрирани за тоа што ќе се случи како и што понатаму беа Зоран Заев и Али Ахмети, или двајцата кои  се тупаат во гради дека биле најзаслужни за промената на името на Република Македонија.

Во едно интервју на ТВ24 самит Зоран Заев призна дека Игор Дурловски неможе да биде терорист заота што ја пеел химната, и во право е, Ниту Игор ниту другите се терористе, и времето ќе биде најверен новинар што некогаш ќе ги извести читателите кој, кој тоа го испланирал сценариото на 27 април 2017 година.

Рускоска е обвинител кој што очигледно ја пропушти шансата да го одбрани својот народ, име, достоинство и чест, само со едно повлекување на обвинителниот акт кој всушност е наметнат од истиот оној кој го правел сценариото, а со тоа пак наместо да се запише како македонска личност во историјата таа  во блиска иднина би можела да седна на столчето од луѓето кои сега ги обвинува?