Официјалните лица веруваат дека експлозијата која се случи утрово во центарот на Нешвил била намерно предизвикана, изјави портпаролот на метро Нешвил.

На кратка прес-конференција, портпаролот на Дон Арон изјави дека единицата за експлозиви се упатила кон центарот на градот поради повик за сомнително возило, кога експлозијата се случила околу 6:30 часот наутро.

Веруваме дека експлозијата е предизвикана намерно – рече Арон.

Три лица се пренесени во болницата од местото на настанот, но ниту едно не е во критична состојба, изјави портпаролот на противпожарната служба Џозеф Плесант.

Инцидентот е под истрага на неколку агенции, и локални и федерални, вклучувајќи ги ФБИ и АТФ, рече Арон.

Очевидецот Бак МекКој за медиумите изјави дека експлозијата се случила пред неговата куќа, како резултат на што му биле скршени сите прозорци.