Помладата ќерка на фудбалската Легенда Дарко Панчев, Марија е мултиталентирана и веќе некое време успешно се занимава и со манекенство, пишуваат нашите медиуми. Таа е вистинска убавица и веќе некое време се остварува во професијата како модел.

Таа е дел од модното студио „Моделс ин“, а од нејзините фотографии на социјалните мрежи можеме да претпоставиме дека пред неа е успешна иднина како модел.

Што се однесува до нејзината постара сестра, Надица, таа ги сака јазиците и студира Германски јазик и книжевност на филолошкиот факултет во Скопје. Како што вели нивната мајка, тие и двете имаат афинитет кон уметностите, односно кон музиката и модерниот танц, а Надица беше во центарот на вниманието и на својата матурска прослава, кога со својот преубав матурски фустан ги воодушеви сите. Имено, принцезата на тато и мамо тогаш едноставно блескаше во малиот бел фустан зачинет со тантела, а комплиментите од пријателите не престануваа да се редат под фотографиите што Надица тогаш ги објави на социјалните мрежи.

Инаку, Маја и Дарко се во брак веќе подолго време и животот го живеат мирно и без скандали.

Нивните две ќерки ги носат имињата на своите баби, Надица, по мајката на Дарко и Марија по мајката на Маја.

Панчев е поранешен југословенски и македонски фудбалер кој се смета за еден од најголемите македонски фудбалери на сите времиња.

Своите фудбалски почетоци ги бележи во ФК Вардар Скопје во младинската школа на истоимениот клуб. Уште на самиот почеток од својата фудбалска кариера ги изразил своите напаѓачки атрибути.

Од 1982 до 1988 година играл за својот матичен клуб, а откако ќе ги забележат неговите одлични голгетерски способности ќе му се отвори нов хоризонт кон неговата кариера и тоа во гигантот Црвена Ѕвезда, за кој играше четири години!